လူတွေနဲ့ဆက်ဆံတဲ့အခါမှာ ကိုယ့်ရဲ့အရည်အချင်းတွေနဲ့
ကိုယ့်ရဲ့ဘ၀ဦးတည်ချက်ကို အခြေခံပြီးတော့ဆက်ဆံမှ
လေးနက်တဲ့ဆက်ဆံရေး ဖြစ်မယ်။ လူတွေဟာ သူများက ကိုယ့်အကြောင်းကို ဘာပြောနေကြသလဲ၊ သူများက ကိုယ့်ကို
ဘယ်လိုထင်ကြသလဲဆိုတာကို မှီပြီးတော့ ကိုယ့်ကိုယ်ကို ဘယ်လိုလူဆိုတဲ့ စိတ်မျိုးဖြစ်တယ်။ အခုခေတ်လူတွေဟာ ပတ်ဝန်းကျင်ပေါ်မှာ၊ တခြားလူတွေပေါ်မှာ မှီခိုမှု အင်မတန် ကြီးမားလာတဲ့အတွက် ပတ်ဝန်းကျင်ကလူတွေကမှ သူ့ကို တစ်နည်းနည်းနဲ့ အသိအမှတ်မပြုလို့ရှိရင် သူ ပျောက်သွားတော့မတတ် စိတ်ထဲမှာ ခံစားရတယ်။ ဒါကြောင့် social acceptance လို့ခေါ်တဲ့ ပတ်ဝန်းကျင်အသိုင်းအ၀ိုင်းက ကိုယ့်ကိုလက်ခံတာ၊ ကိုယ့်ကို ခဏခဏ အလည်ခေါ်တာတို့ ဖိတ်တာတို့ လုပ်တာ၊ ကိုယ့်ကို သဘောကျတာဟာ ကိုယ့်ရဲ့ အဖော်မဲ့အထီးကျန်ဖြစ်နေတဲ့ခံစားချက်ကို ခဏ သက်သာစေတယ်။ ငါ့မှာ အဖော်ရှိတယ်ဆိုတဲ့ခံစားချက် ဖြစ်တယ်၊၊ သူ့နားမှ လူတွေဝိုင်းပြီးတော့ သူပြောတာကို နားထောင်နေတယ်။
အဲဒီအဖွဲ့ထဲမှာ အုပ်စုထဲမှာ ရောနှောပြီးတော့ တသားထဲ ဖြစ်သွားတယ်။ အဲဒီလို ဝိုင်းဖွဲ့ပြီးတော့ ကိုယ့်ကိုယ်ကိုမေ့ပျောက်ပြီးတော့ ဘာမှ
အရေးမကြီးတာတွေကို အဆက်မပြတ် ပြောနေရတဲ့အချိန်မှာ
ကိုယ့်အကြောင်းကိုကိုယ် မတွေးမိတော့ဘူး၊ ကိုယ့်ဘဝကိုကိုယ်
မတွေးမိတော့ဘူး။ ကိုယ့်အဖော်မဲ့နေတာကို မတွေးမိတော့ဘူး။ အဲဒီအချိန်မှာ ခဏလောက် loneliness ခံစားမှုက ပျောက်သွားတယ်။ အဲဒီလို ခဏသက်သာအောင်ပဲလုပ်နေတဲ့သူဟာ ခိုင်မာရင့်ကျက်တဲ့ စိတ်ဓာတ်ကို မရနိုင်ဘူး။ loneliness ခဏပျောက်သွားတာနဲ့အတူ လေးနက်တဲ့ဦးတည်ချက် ရည်မှန်းချက်၊ ရင့်ကျက်တဲ့ စိတ်နေသဘောထားတွေကို လေ့ကျင့်ပြုစုပျိုးထောင်ဖို့ အခွင့်အရေးတွေလည်း ဆုံးရှုံးသွားတယ်။ အဲဒါ သူပေးလိုက်ရတဲ့ cost ပဲ၊ တန်ဖိုးပဲ၊ ဘာမှမရေရာတဲ့ လူစုလူဝေးထဲမှာပဲ ကိုယ်ပါပျောက်သွားတယ်။ ကိုယ့်ဘ၀ပါ ပျောက်သွားတယ်။ အဲဒီလိုလုပ်လိုက်ခြင်းအားဖြင့် loneliness ဆိုတာကို ကျော်လွန်နိုင်ဖို့၊ လွန်မြောက်နိုင်ဖို့အတွက် အရေးကြီးဆုံးဖြစ်တဲ့ကိစ္စတစ်ခုကို ဆုံးရှုံးသွားပြီ။ loneliness ဆိုတာကို ကျော်လွန်နိုင်ဖို့၊ လွန်မြောက်နိုင်ဖို့ အရေးကြီးဆုံးဖြစ်တဲ့အလုပ်ဟာ ကိုယ့်စိတ်ထဲမှာရှိနေတဲ့ အရည်အသွေးတွေ၊ အရည်အချင်းတွေကို ထွက်ပေါ်လာအောင်၊ တိုးတက်လာအောင်၊ အားကောင်းလာအောင်၊ ပြုစုပျိုးထောင်ဖို့ဆိုတဲ့ အလုပ်ပဲ။


အဖေါ်မဲ့တဲ့ခံစားမှု ခဏသက်သာအောင်လုပ်တဲ့သူဟာ သူ့စိတ်ထဲမှာ အင်အားရှိတဲ့လူတစ်ယောက်ဖြစ်အောင် လုပ်ဖို့ ခဲယဉ်းသွားပြီ။ ပြီးတော့ sense of direction ဆိုတဲ့ ကိုယ်ဘယ်ကို ဦးတည်ပြီးသွားနေသလဲ၊ ကိုယ့်ဘ၀မှာ အရေးအကြီးဆုံးအလုပ်က ဘာလဲ၊ အဲဒါလဲ မသိတော့ဘူး၊ အပေါင်းဖေါ်နဲ့ အချိန်များမျာဖြုံးတဲ့သူဟာ လေးနက်တဲ့ ဘ၀ဦးတည်ချက်ကို မျက်ခြေပြတ်သွားမယ်။ ကိုယ့်စိတ်ထဲမှာရှိတဲ့ အင်အား၊ ကိုယ့်စိတ်ထဲမှာရှိတဲ့ အရည်အချင်းတွေနဲ့
ကိုယ့်ရဲ့ဘဝဦးတည်ချက်ကို အခြေခံပြီးတော့ လူတွေနဲ့ ထိထိရောက်ရောက် ဆက်ဆံသွားရမှာနော်။ အရည်အချင်းမရှိတဲ့သူ၊ လေးနက်တဲ့ဦးတည်ချက်မရှိတဲ့သူဟာ အဓိပ္ပါယ်ရှိတဲ့ဆက်ဆံရေးကို မတည်ဆောက်နိုင်ဘူး။ ခဏလောက် အဖေါ်မဲ့တဲ့ခံစားမှုသက်သာအောင် လုပ်တဲ့သူဟာ လေးနက်တဲ့ဦးတည်ချက်ရှိအောင် မလုပ်နိုင်တော့ဘူး၊၊ အဲဒီတော့ သူဟာဘယ်လိုဖြစ်သွားမလဲဆိုရင်၊ မရေရာတဲ့လူတစ်ယောက် ဖြစ်သွားမယ်။ အဲသလိုမရေရာတဲ့သူက အဖော်မဲ့အထီးကျန် ပိုပြီးတော့ ဖြစ်မယ်။ လူတွေနဲ့ဆက်ဆံတဲ့အခါမှာ ကိုယ့်ရဲ့အရည်အချင်းတွေနဲ့
ကိုယ့်ရဲ့ဘဝဦးတည်ချက်ကို အခြေခံပြီးတော့ဆက်ဆံမှ လေးနက်တဲ့ဆက်ဆံရေး ဖြစ်မယ်။ ဘာအရည်အချင်းမှ မရှိတဲ့သူ၊ ဘာဦးတည်ချက်မှ မရှိတဲ့သူဟာ ဘာကိုအခြေခံပြီး ဆက်ဆံမလဲ။ hollow ဖြစ်နေတဲ့သူတွေဟာ ချစ်တတ်ဖို့ရာအတွက် သူတို့မှာ အခြေခံမရှိဘူး။ သူတို့ဟာ loneliness ပျောက်ဖို့ပဲ ကြိုးစားနေရတယ်။

🚶 ➖➖ 🍄🍄 ➖➖ 🚶

♻️ ဆရာတော်ဦးဇောတိက ♻️
 ( မဟာမြိုင်တောရ )
   ၏  
🌲“ ဘာကို တန်ဖိုးထားရမလဲ ” 🌲
စာအုပ်မှ ကူးယူ ဖော်ပြပါသည်၊၊