ပြဿနာဖြစ်တဲ့အခါမှာ ဒီပြဿနာကို သဘောထားမှန်မှန်နဲ့၊ ပြောပုံ၊ ဆိုပုံ၊ လုပ်ပုံ၊ ကိုင်ပုံ နည်းလမ်းမှန်မှန်နဲ့ ထိထိရောက်ရောက် မဖြေရှင်းလို့ရှိရင်၊ ပြေလည်အောင် မကြိုးစားလို့ရှိရင် တိုးတက်မှု၊ ကြီးပွားမှု ပိတ်သွားတယ်။
တစ်ဖက်သားမှာ ကောင်းတာလေးတွေ အများကြီးရှိပါတယ်။ ကောင်းကွက်ကလေးတွေကို မမြင်ဟန်ဆောင်ပြီးတော့ မတော်တဆ မှားသွားတာလေး နည်းနည်းပါးပါးလောက်ကို ပုံကြီးချဲ့မယ်ဆိုရင် ပြဿနာ မပြေလည်နိုင်တော့ဘူး။ တစ်ယောက်ကိုတစ်ယောက် အပြစ်မရှိ အပြစ်ရှာတတ်တဲ့အကျင့် ရှိသွားပြီဆိုရင် ဆက်ဆံရေးက ကြာလေဆိုးလေ ဖြစ်သွားမယ်။ တမင်တကာ အပြစ်ရှာပြီးတော့ ပြောတတ်ဆိုတတ်တဲ့လူ၊ တွေးတတ်တဲ့လူဟာ ကြာရင် သူ အပြစ်ရှာနေတယ်လို့ မထင်တော့ဘဲနဲ့ ဟိုလူဟာ တကယ်အပြစ်ရှိတဲ့လူလို့ ထင်တော့တာပဲ။ ဖြေရှင်းပါရစေ၊ အဲသလို မဟုတ်ပါဘူးလို့ ပြောတာတောင်မှ မရဘူး။ ဖြေရှင်းခွင့်တောင် မပေးတော့တာမျိုးတွေ ရှိတယ်။
သူတစ်ပါးကို မကောင်းမြင်တာဟာ ဘယ်ပေါ်မှာ အခြေခံလဲဆိုတော့ ကိုယ့်ရဲ့ insecurity ပေါ်မှာ အခြေခံတယ်။ ကိုယ်က အားငယ်တတ်လို့ ကိုယ့်ကိုယ်ကိုယ် ယုံကြည်မှုမရှိလို့ သူတစ်ပါးကို မကောင်းမြင်တတ်တာ တော်တော် စဉ်းစားဖို့ ကောင်းတယ် သတိထားနော်။ နည်းနည်းပါးပါး မကောင်းတာဆို လူတိုင်းမှာ ရှိတတ်ပါတယ်။ ဒါပေမယ့် အမြဲတမ်းလိုလို လူများစုကို မကောင်းမြင်တတ်ပြီဆိုရင် အဓိပ္ပါယ်က ကိုယ့်မှာ အားငယ်တဲ့စိတ်၊ သိမ်ငယ်တဲ့စိတ် ရှိနေပြီ၊ ကိုယ့်ကိုယ်ကိုယ် ယုံကြည်မှု မရှိဘူး။ ကိုယ်လုပ်နေတာ ကိုယ်ပြောနေတာတွေဟာ တကယ်မှန်တယ်၊ တကယ်ကောင်းတယ်လို့ ကိုယ့်ဟာကိုယ် တကယ်ပဲသိတယ်၊ ယုံကြည်တယ် ဆိုလို့ရှိရင် ကိုယ့်မှာ အားငယ်တဲ့စိတ်၊ သိမ်ငယ်တဲ့စိတ်၊ စိတ်မချတဲ့စိတ်၊ မလုံခြုံတဲ့စိတ်လည်း မရှိဘူးဆိုရင် သူများအပြစ်ကို ရှာကြံပြီးတော့ တွေးနေဖို့လည်း မလိုတော့ဘူး။🌿
➖➖➖🍄🍄➖➖➖
ဆရာတော်ဦးဇောတိက
( မဟာမြိုင်တောရ )
၏
“ တွေးမိတိုင်း ပျော်တယ် ”
စာအုပ်မှ ကူးယူဖော်ပြပါသည်၊၊
LIFE facebook page မှကူးယူဖော်ပြသည်။
No comments:
Post a Comment